ბრიტანელმა მინისტრმა ქვეყნიდან მაღალი გადასახადების გამო მილიარდერების გადინების ფაქტი დაადასტურა

დიდი ბრიტანეთის მინისტრმა ბიზნესის საკითხებში პიტერ კაილმა დაადასტურა, რომ მაღალი გადასახადების გამო გაერთიანებული სამეფოდან მილიარდერები გადიან.

„დიახ, ვაღიარებ. არ დავმალავ იმ ფაქტს, რომ გადასახადები გავზარდეთ და არარეზიდენტებისთვის გარკვეული ხვრელები დავხუროთ“, - განაცხადა მინისტრმა ტელეკომპანია Sky News-თან ინტერვიუში, კითხვაზე აღიარებს თუ არა ქვეყნიდან მილიარდერების გადინებას.

მანამდე გამოცემა Times-მა გაავრცელა ინფორმაცია იმის შესახებ, რომ ახალი საგადასახადო რეგულაციების გამო ქვეყანა ინდოელმა მაგნატმა, უმსხვილესი მეტალურგიული კომპანიის, ArcelorMittal-ის დირექტორთა საბჭოს აღმასრულებელმა თავმჯდომარემ ლაკშმი მიტალმა დატოვა.

ჯერ კიდევ ივნისში ანალიტიკურმა პლატფორმა Henley & Partners-მა ანგარიში გამოაქვეყნა, სადაც დიდი ბრიტანეთიდან მილიარდობით გირვანქა სტერლინგის გადინებაზე იყო საუბარი. ვარაუდობენ, რომ წლის ბოლომდე გაერთიანებულ სამეფოს 16 ათასამდე მილიონერი დატოვებს.