ტრამპი საუდის არაბეთის მემკვიდრე პრინცზე: ძალიან ვამაყობ იმ საქმით, რაც მან გააკეთა - რაც მან გააკეთა, დაუჯერებელია, ადამიანის უფლებებისა და ყველაფერი დანარჩენის თვალსაზრისით
მსოფლიო

მოჰამედ ბინ სალმანი დონალდ ტრამპი
ფოტო: GettyImages
აშშ-ის პრეზიდენტმა, დონალდ ტრამპმა ოვალურ კაბინეტში თავისი გამოსვლა საუდის არაბეთის მემკვიდრე პრინცის, მოჰამედ ბინ სალმანის ადამიანის უფლებების კუთხით მიღწევების ქებით დაიწყო. ინფორმაციას ამის შესახებ ტელეკომპანია CNN-ი ავრცელებს.
„დღეს ოვალურ კაბინეტში გვყავს უკიდურესად პატივცემული ადამიანი, ჩემი დიდი ხნის მეგობარი, ძალიან კარგი მეგობარი, და მე ძალიან ვამაყობ იმ საქმით, რაც მან გააკეთა“, - აღნიშნა აშშ-ის პრეზიდენტმა.
„რაც მან გააკეთა, დაუჯერებელია, ადამიანის უფლებებისა და ყველაფერი დანარჩენის თვალსაზრისით. და ის არის მემკვიდრე პრინცი, მომავალი მეფე“, - დასძინა დონალდ ტრამპმა.





