ლორა თორნტონი ამბობს, რომ ტრამპი „გამაუპატიურებელი და კრიმინალია“

მაკკეინის ინსტიტუტის გლობალური დემოკრატიის პროგრამების დირექტორი, ლორა თორნტონი სოციალურ ქსელ X-ში წერს, რომ აშშ-ის პრეზიდენტი, დონალდ ტრამპი „გამაუპატიურებელი და კრიმინალია“.

ეს განცხადება თორნტონმა პარტია „დროა“-ს წარმომადგენლის, მარიკა მიქიაშვილის პოსტის კომენტირებისას გააკეთა. მიქიაშვილის პოსტი ქართველების მიერ ტრამპის მხარდაჭერას ეხებოდა.

„მესმის, რომ საქართველოს ინტერესშია ქართული დემოკრატიის დაცვა. მაგრამ გაიგეთ, ის [ტრამპი] გამაუპატიურებელი და კრიმინალია, ამიტომაც, როგორც ქართველები იტყოდნენ, ბევრს ჩვენგანს ეს ყურს ჭრის, როცა ისმენენ მისი მისამართით ქებასა და დიდებას“, - წერს თორნტონი.

I understand that it is in Georgia's interests to make the case for Georgian democracy. But understand that he is a rapist and a criminal, so for many of us it, as the Georgians say, "cuts our ears" to hear lavish praise and ingratiation of him from our Georgian friends.

— Laura Thornton (@LauraLThornton) January 21, 2025