The Telegraph: რუსეთი სამშვიდობო მოლაპარაკებებზე ევროპაში ნატოს წარმომადგენლობის შემცირებას მოითხოვს
მსოფლიო
ვლადიმერ პუტინი
ფოტო: Reuters
გამოცემა The Telegraph-ი დიპლომატიურ წრეებში ინფორმირებულ წყაროებზე დაყრდნობით წერს, რომ რუსეთმა შესაძლოა რუსეთ-უკრაინის ომის შესახებ სამშვიდობო მოლაპარაკებების ახალი რაუნდი ნატოსგან დათმობების მისაღებად გამოიყენოს.
გამოცემა იხსენებს, რომ მანამდე რუსეთის ფედერაციის პრეზიდენტის თანაშემწემ იური უშაკოვმა განაცხადა, რომ ევროპა ჩართული უნდა იყოს რუს, უკრაინელ და ამერიკელ ოფიციალურ პირებს შორის მიმდინარე მოლაპარაკებებში.
ამავდროულად, დიპლომატიურ წრეებში არსებული წყაროები ამტკიცებენ, რომ ევროპული ქვეყნების ჩართვის რუსული მოტივი არის სწრაფვა, გამოიყენოს მოლაპარაკებების მომდევნო რაუნდი ნატოს გაფართოებასთან დაკავშირებით დათმობების მისაღებად.
აღინიშნება, რომ რუსეთის პრეზიდენტი ვლადიმერ პუტინი, სავარაუდოდ, მოითხოვს, რომ ევროპაში ნატოს წარმომადგენლობა 1997 წლის დონემდე შემცირდეს.
როგორც გამოცემა წერს, პოტენციურად ეს შეიძლება ნიშნავდეს ნატოს ჯარების გამოყვანას პოლონეთიდან, ესტონეთიდან, ლატვიიდან და ლიტვიდან, ასევე ფინეთიდან.
