მედია: ამერიკული სპეცსამსახურები ტრამპის შტაბის ყოფილ ხელმძღვანელს უსმენდნენ

დონალდ ტრამპის გუნდის რუსეთთან კავშირის გამოძიების ფარგლებში ამერიკული სპეცსამსახურები მისი წინასაარჩევნო შტაბის ყოფილი ხელმძღვანელს პოლ მანაფორტს უსმენდნენ. ამის შესახებ რამდენიმე წყაროზე დაყრდნობით CNN-ი იუწყება.

მედიის ცნობით, მანაფორტის მოსმენა აშშ-ის საპრეზიდენტო არჩვნებამდე დაიწყო, თუმცა ტრამპის გამარჯვების შემდეგაც გაგრძელდა.

CNN-ის ცნობით, სპეცსამსახურებმა დაადგინეს, რომ მანაფორტმა რუსეთის წარმომადგენლებს ტრამპის კამპანიაში დახმარება სთხოვა, თუმცა რაში მდგომარეობდა ეს დახმარება, არ სახელდება.