გერმანიის საგარეო საქმეთა მინისტრი: უკრაინაში რუსეთის შეჭრამ მსოფლიო სამუდამოდ შეცვალა

გერმანიის საგარეო საქმეთა მინისტრმა, ანალენა ბერბოკმა განაცხადა, რომ უკრაინაში რუსეთის შეჭრამ მსოფლიო სამუდამოდ შეცვალა.

„თუ ზოგიერთს ახლა სურს დაბრუნება 23 თებერვლამდე არსებულ მსოფლიოში, ეს გასაგებია. თუმცა, ეს მსოფლიო უკვე აღარ იარსებებს. ის, რაც ბოლო ექვსი თვის განმავლობაში მოხდა, ვერასდროს გამოსწორდება“, - აღნიშნა გერმანიის საგარეო უწყების ხელმძღვანელმა.

„სანამ ეს სასტიკი აგრესიის ომი გაგრძელდება, ჩვენ გავაგრძელებთ უკრაინის მხარდაჭერას სამხედრო დახმარებით“, - განაცხადა ანალენა ბერბოკმა.