შვედეთის პრემიერი: შვედეთი ნატოში გაწევრიანებაზე გადაწყვეტილებას სერიოზული ანალიზის შემდეგ მიიღებს

შვედეთი ნატოში შესაძლო გაწევრიანებაზე გადაწყვეტილებას მხოლოდ სიტუაციის სერიოზული ანალიზისა და მისი საუკეთესო ინტერესების გათვალისწინებით მიიღებს, - განაცხადა შვედეთის პრემიერ-მინისტრმა, მაგდალენა ანდერსონმა.

„უსაფრთხოების ლანდშაფტი მთლიანად შეიცვალა რუსეთის მიერ უკრაინაში შეჭრის შემდეგ და ამ სიტუაციიდან გამომდინარე, ჩვენ ნამდვილად უნდა ვიფიქროთ იმაზე, თუ რა არის საუკეთესო შვედეთისა და ჩვენი უსაფრთხოებისთვის და ჩვენი მშვიდობისთვის ამ ახალ სიტუაციაში. ეს არის ძალიან მნიშვნელოვანი პერიოდი ისტორიაში. ვფიქრობ, თქვენ უნდა გავაანალიზოთ ახალი სიტუაცია, გავაკეთოთ ეს ძალიან სერიოზულად, ვიფიქროთ ყველა შესაძლო გზის შედეგებზე, დადებით და უარყოფით მხარეებზე“, - აღნიშნა შვედეთის პრემიერ-მინისტრმა.