ნატალია გალიბარენკო: ვიდრე არ ვნახავთ უკრაინის საზღვრიდან რუსეთის შეარაღებული ძალების სრულად გაყვანას, მანამდე პროგრესის თაობაზე შეფასებებში ძალიან ფრთხილები უნდა ვიყოთ

რუსეთის მხრიდან ისმის განცხადებები ჯარების უკან დახევის შესახებ, მაგრამ სამხედრო ძალების გადადგილება, რომელიც გუშინ დაიწყო საკმარისი არ არის სიტუაციის დეესკლაციისთვის. ვიდრე არ ვნახავთ უკრაინის საზღვრიდან რუსეთის შეარაღებული ძალების სრულად გაყვანას, მანამდე პროგრესის თაობაზე შეფასებებში ძალიან ფრთხილები უნდა ვიყოთ, - ამის შესახებ უკრაინის ელჩმა ნატოში, ნატალია გალიბარენკომ განაცხადა.

„რუსეთის ხელისუფლების მხრიდან ძალიან ბევრი განცხადება მოვისმინეთ. მოსკოვში ისიც კი ითქვა, რომ არ არის რუსეთის მხრიდან უკრაინაში შეჭრის საფრთხე, მაგრამ მე მხოლოდ ქმედებების მჯერა. რუსეთის ქმედებები კი საპირისპიროს მიუთითებს“, - განაცხადა გალიბარენკომ.