კიევში სააკაშვილის პარტია აქციას გამართავს

კიევში, ადგილობრივი დროით 13:30 საათზე, მიხეილ სააკაშვილის პარტია "ახალი ძალების მოძრაობა" აქციას გამართავს.

"ხელისუფლების თვითნებობის წინააღმდეგ, იმის წინააღმდეგ, რომ სახეში ცინიკურად გვაფურთხებენ, რომ ჩვენი უფლებები მათთვის არაფერს ნიშნავს, ვიკრიბებით მაიდანზე. უკრაინის დროშით, პასპორტით, კონსტიტუციით", - წერია პარტიის განცხადებაში.

"ვიბრძოლებ ჩემი კანონიერი უფლებისთვის", - აცხადებს მიხეილ სააკაშვილი.

მიხეილ სააკაშვილს უკრაინის მოქალაქეობა 26 ივლისს ჩამოართვეს. მან უკრაინის მოქალაქეობა 2015 წლის 29 მაისს მიიღო, რის გამოც საქართველოს მოქალაქეობა ჩამოართვეს.