გერმანიაში კონცერტზე სცენა ჩამოინგრა

გერმანიის ქალაქ ესენში კონცერტზე სცენა ჩამოინგრა. ტელერადიოკომპანია WDR-ის ინფორმაციით, შემთხვევა რეპერების Casper-ისა და Marteria-ს კონცერტის დროს მოხდა.

მათივე ცნობით, სცენის ჩამოვარდნა უამინდობამ გამოიწვია. შემთხვევის შედეგად 20-ზე მეტი ადამიანი დაშავდა, ორმა მათგანმა სერიოზული დაზიანებები მიიღო.

ინციდენტის შემდეგ კონცერტი აღარ გაგრძელებულა.