ლეგენდარული სოფიკო - ქალი, რომლის ცხოვრება ჰგავდა კინოს. „იმედის კვირის“ საავტორო რეპორტაჟი

სოფიკო ჭიაურელი - ქალი, რომლის ცხოვრება მართლაც ჰგავდა კინოს დიდი სიყვარულით, თავბრუდამხვევი წარმატებით, ტკივილითა და იმ იშვიათი ბედნიერებით, რომელსაც მხოლოდ გამორჩეული ადამიანები პოულობენ.

ასობით როლი, დიდი რეჟისორები, მსოფლიო აღიარება და წარმატების გზა, რომელიც ეკრანს გასცდა და მთელი ქვეყნის გულში დაიმკვიდრა ადგილი, მაგრამ ყველაზე დიდი როლი, როგორც თავად ამბობდა, მისთვის მაინც ოჯახი იყო.

სოფიკო ჭიაურელი 90 წლის გახდებოდა. იგი 2008 წლის 2 მარტს გარდაიცვალა. თუმცა, როგორ შეიძლება გარდაცვლილი უწოდო მას, ვინც დღემდე გვახსენებს, რა შეუძლია ნამდვილ ხელოვანს.

ნახეთ ელენე ცინცაძის საავტორო რეპორტაჟი - ლეგენდარულ სოფიკო ჭიაურელზე.