13 დეკემბერი 2018, 17:14
აჭარაში საერთაშორისო მოგზაურების ვიზიტების რაოდენობა 16%-ით არის გაზრდილი
ეკონომიკა
ბათუმი
ფოტო: shutterstock.com
გაზიარება
აჭარაში საერთაშორისო მოგზაურების ვიზიტების რაოდენობა 16%-ით არის გაზრდილი. 2018 წლის 11 თვის მონაცემებით, რეგიონში 1 830 888 საერთაშორისო მოგზაურის ვიზიტი განხორციელდა. ამის შესახებ ინფორმაციას "აჭარის ტელევიზია" ავრცელებს.
მათგან ყველაზე მეტი მოგზაური აჭარაში თურქეთიდან, აზერბაიჯანიდან, რუსეთიდან, ისრაელიდან და უკრაინიდან ჩავიდა.
ამასთან, 22%-ით არის გაზრდილი ბათუმის საერთაშორისო აეროპორტიდან რეგიონში განხორციელებული ვიზიტებიც. მოგზაურების სტატისტიკა სარფის, პორტისა და აეროპორტის საზღვრის კვეთის მონაცემებს ითვალისწინებს.
