ახმეტის სოფელ მატანში სპორტკომპლექსი გაიხსნა

ახმეტის მუნიციპალიტეტის სოფელ მატანში საერთაშორისო სტანდარტების სპორტკომპლექსი გაიხსნა. პროექტის ფარგლებში სრულად განახლდა ეზო. მოეწყო მინი სტადიონი და 1-კილომეტრიანი გზა დააგეს.

პროექტი მუნიციპალური განვითარების ფონდმა მსოფლიო ბანკის დაფინანსებით განახორციელა და მისი ღირებულება მილიონ-ნახევარი ლარია.

სპორტკომპლექსის სამუშაოები ერთი წლის განმავლობაში მიმდინარეობდა.