იაგოდა ლაზარევიჩი ბელგრადში „იგლ ჰილსის“ პროექტზე: ჩვენი ქალაქი ბევრად უფრო ლამაზად გამოიყურება და მეტ ტურისტს იზიდავს. ვხედავთ უძრავი ქონების სექტორის ბუმს - მჯერა, რომ თბილისის პროექტიც ძალიან წარმატებული იქნება
ეკონომიკა

იაგოდა ლაზარევიჩი
ფოტო: IMEDI/ვიდეოკადრი
სერბეთის შიდა და საგარეო ვაჭრობის მინისტრმა იაგოდა ლაზარევიჩმა ბელგრადში განხორციელებულ, „იგლ ჰილსის“ პროექტზე ისაუბრა. მან პროექტის განხორციელების შედეგად ქალაქისთვის მოტანილ სარგებელს გაუსვა ხაზი.
„ჩვენი ქალაქი ბევრად უფრო ლამაზად გამოიყურება და მეტ ტურისტს იზიდავს. ვხედავთ უძრავი ქონების სექტორის ბუმს - უამრავი ადამიანი, სერბეთის მოქალაქეები, ყიდულობენ ბინებს ამ უბანში. ძალიან ვამაყობთ და გვიხარია არაბთა გაერთიანებულ საამიროებთან მეგობრობა და თანამშრომლობა. მჯერა, რომ თბილისის პროექტიც ძალიან წარმატებული იქნება და დიდ სარგებელს მოუტანს როგორც საქართველოს ეკონომიკას, ისე მის მოქალაქეებს", - განაცხადა სერბეთის შიდა და საგარეო ვაჭრობის მინისტრმა.
იაგოდა ლაზარევიჩმა საქართველოს ეკონომიკისა და მდგრადი განვითარების მინისტრ მარიამ ქვრივიშვილს Eagle Hills - Belgrad Waterfront-ში უმასპინძლა.





