ნათია თურნავა: მთავრობა შემდეგ კვირას ქვეყანაში შემოსვლის წესების ლიბერალიზაციაზე იმსჯელებს

ამ ვითარებაში როდესაც ეტაპობრივად ვხსნით ბიზნესს, ვხედავთ შესაძლებლობას, რომ ტურისტებსაც ვუმასპინძლოთ, - ამის შესახებ ეკონომიკის მინისტრმა ნათია თურნავამ ტელეკომპანია „იმედის“ ეთერში, გადაცემა „დღის ქრონიკაში“ განაცხადა.

„შემდეგ კვირაში ვიმსჯელებთ ქვეყანაში შემოსვლის წესების ლიბერალიზაციაზე. ასევე საკმაოდ ფრთხილად, ეს არ უნდა იყოს ერთიანი დარტყმა ჩვენი ეპიდვითარებისთვის, მაგრამ იმის გათვალისწინებით, რომ ევროპაში, რეგიონში, გალფის ქვეყნებში, ისრაელში უკვე ტემპს იკრებს ვაქცინაცია არის საკმაოდ დიდი მოთხოვნა ვაქცინირებული ტურისტების მოგზაურობის. ეს ადამიანები უფრო თამამად მოგზაურობენ. ხდება იგივე ტესტირების შესაძლებლობისა და მონიტორინგის ზრდა. აქედან გამომდინარე ჩვენ ვფიქრობთ, რომ ტურისტების პირველი ჯგუფები ქვეყანაში გაზაფხულზე შემოვლენ. აქ ჩვენ ვახვედრებთ გახსნილ სასტუმროებს, ამ ინდუსტრიას საკმაოდ კარგად ვეხმარებით. ასევე დავახვედრებთ თანდათან გახსნილ სარესტორნო ბიზნესს, რაც მოხდება ეპიდმონიტორინგის ქვეშ და აჭარაში შეძლებენ პირველ ეტაპზე ჩამოსვლას და ასევე მოქმედ ეკონომიკას“, - განაცხადა თურნავამ.

რა შეზღუდვები რჩება ძალაში და რა იხსნება 1-ლი თებერვლიდან. სრულად ნახეთ ამ ბმულზე.