ფინანსთა სამინისტროს საგამოძიებო სამსახურმა, პროკურატურასთან კოორდინაციით, ავტომობილების რეექსპორტის გზით იმპორტის გადასახადებისგან თავის არიდების ფაქტი გამოავლინა

ფინანსთა სამინისტროს საგამოძიებო სამსახურმა, პროკურატურასთან კოორდინაციით, ავტომობილების რეექსპორტის გზით იმპორტის გადასახადებისგან თავის არიდების ფაქტი გამოავლინა. დაკავებულია სამი ადამიანი, 16-ს კი ბრალდება წარედგინა. ერთს ბრალდება დაუსწრებლად წარედგინა, რადგან ის საგამოძიებო ორგანოში გამოცხადებას თავს არიდებდა. სქემაში ჩართული იყო 15 უცხოელი. დანაშაულებრივი სქემის შედეგად სახელმწიფო ბიუჯეტს ნახევარ მილიონ ლარზე მეტი ზიანი მიადგა. დანაშაული 4-დან 7 წლამდე ვადით თავისუფლების აღკვეთას ითვალისწინებს.