წვიმის შედეგები და რეაგირება

მიწისქვეშა კომუნიკაციების რეაბილიტაცია დედაქალაქის მთავარი პრიორიტეტია — კახა კალაძე მოსახლეობას ჰპირდება, რომ სტიქიით გამოწვეული ყველა პრობლემა ოპტიმალურ ვადებში მოგვარდება. თბილისის მერმა ასევე დეზინფორმაცია უწოდა მედიით გავრცელებულ ინფორმაციას, თითქოს ავლაბრის მეტროში წყალი ჩავიდა. რაც შეეხება მარიჯანის ქუჩას, სადაც წვიმამ ქვაბულის ფერდის ჩამოშლა გამოიწვია, მშენებელი კომპანია უკვე დაჯარიმდა და მას ტერიტორიის სასწრაფო გამაგრებაც დაევალა.