საქართველოს წყალბურთელთა ეროვნულმა ნაკრებმა „Danube Cup 2026“-ზე კანადის ნაკრები დაამარცხა

საქართველოს წყალბურთელთა ეროვნული ნაკრები მსოფლიო თასის მე-2 დივიზიონის მატჩებისთვის ემზადება. მოსამზადებელი პერიოდის ფარგლებში ეროვნული ნაკრები საერთაშორისო ტურნირში Danube Cup 2026 მონაწილეობს.

ქართველი წყალბურთელები ტურნირის პირველ მატჩში კანადელებს დაუპირისპირდნენ, მათ მეტოქე ანგარიშით 17:11 დაამარცხეს.

ეროვნული ნაკრები ჯგუფში თურქეთის, ბრაზილიისა და სლოვენიის ნაკრებებსაც დაუპირისპირდება.