ფონდი „ქართუ“ გადაშენების პირას მყოფი ველური ფრინველების ბუნებაში დაბრუნების პროექტს განაგრძობს

ფონდი „ქართუ“ გადაშენების პირას მყოფი ველური ფრინველების ბუნებაში დაბრუნების პროექტს განაგრძობს. ბიძინა ივანიშვილისა და მისი ოჯახის საქველმოქმედო ინიციატივის ფარგლებში, კოლხური ხოხობი, გნოლი და კაკაბი გურჯაანის მუნიციპალიტეტის სოფელ კალაურის ტყის მიმდებარე ტერიტორიაზე გაუშვეს.

ღონისძიებაში ფონდ „ქართუს“ გამგეობის თავმჯდომარე ნიკოლოზ ჩხეტიანი, ფონდ „განვითარება და გარემოს“ პრეზიდენტი თემურ ტყემალაძე და ადგილობრივი ხელისუფლების წარმომადგენლები მონაწილეობდნენ. ფრინველებს საჩხერეში, ფონდის დაფინანსებით მოქმედ სპეციალურ მეურნეობაში ზრდიან და ველურ ბუნებაში გასაშვებად ამზადებენ.

პროექტის მიზანია იშვიათი სახეობების პოპულაციის აღდგენა და მათი გამრავლების ხელშეწყობა.