ქუთაისის საერთაშორისო უნივერსიტეტმა ინტელექტუალური საკუთრების მსოფლიო ორგანიზაციის აკადემიის დირექტორს უმასპინძლა

ქუთაისის საერთაშორისო უნივერსიტეტმა ინტელექტუალური საკუთრების მსოფლიო ორგანიზაციის აკადემიის დირექტორს უმასპინძლა.

დელეგაციასთან უნივერსიტეტის რექტორმა, საერთაშორისო სამაგისტრო პროგრამის – „ინტელექტუალური საკუთრება, ინოვაციები და მეწარმეობა“ მიმდინარეობასა და სამომავლო თანამშრომლობის გაფართოების გეგმებზე იმსჯელა.

აკადემიის დირექტორი ასევე შეხვდა პროგრამის კურსდამთავრებულებსა და სტუდენტებს, რომლებიც სამაგისტრო პროგრამაზე წელს ჩაირიცხნენ. მათთან ერთად განიხილა სწავლების სპეციფიკა, მეთოდოლოგია და მიდგომები, ასევე - დასაქმების პერსპექტივები.