აქციის მონაწილეებმა, ოპერის წინ, ნაგვის ურნას ცეცხლი წაუკიდეს

აქციის მონაწილეებმა, ოპერის წინ, ნაგვის ურნას ცეცხლი წაუკიდეს. ამასთან, აქციის მონაწილეებს გზა სხვადასხვა საგნით აქვთ ჩახერგილი. რუსთაველის გამზირზე შეკრებილი მოქალაქეები სამართალდამცველების მისამართით პიროტექნიკას ისვრიან.

სამართალდამცველებმა „თბილისი მარიოტთან“ არსებული ბარიკადებისაგან გზის სავალი ნაწილი გაათავისუფლეს. იქამდე, პარლამენტის მიმდებარე ტერიტორიაზე სამართალდამცველებმა სპეციალური საშუალებები, წყლის ჭავლი და ცრემლმდენი გაზი გამოიყენეს.

პარლამენტთან საპროტესტო აქცია მოჰყვა საპარლამენტო უმრავლესობის გადაწყვეტილებას, რომლის თანახმად, 2028 წლის ბოლომდე დღის წესრიგში აღარ დადგება ევროკავშირთან მოლაპარაკებების გახსნის საკითხი.