თორნიკე რიჟვაძემ საზღვაო რეგიონების ასოციაციის მიერ ორგანიზებულ საერთაშორისო ონლაინ კონფერენციაში მიიღო მონაწილეობა
საზოგადოება

ფოტო: აჭარის მთავრობის ადმინისტრაცია
თორნიკე რიჟვაძემ საზღვაო რეგიონების ასოციაციის (CPMR) მიერ ორგანიზებულ საერთაშორისო ონლაინ კონფერენციაში მიიღო მონაწილეობა, - ამის შესახებ ინფორმაცია აჭარის მთავრობის ადმინისტრაცია ავრცელებს.
მათივე ინფორმაციით, 2020 წლის საერთო საზღვაო კონფერენციის თემატიკაა COVID-19 პანდემია და მისი გავლენა ეკონომიკაზე.
ასოციაციის წევრი ქვეყნის მონაწილეებმა დისკუსიაში მიიღეს მონაწილეობა და იმსჯელეს საპასუხო ზომების შესახებ, რაც ხელს შეუწყობს რეგიონში ეკონომიკის სექტორების მდგრად განვითარებას.
თორნიკე რიჟვაძემ ყურადღება გაამახვილა ევროპული ინსტიტუტების ძალისხმევაზე და ჩართულობაზე კოვიდ პანდემიის გამოწვევების დაძლევასთან მიმართებაში. ასევე, ისაუბრა აჭარის, როგორც საზღვაო რეგიონის პერსპექტივებზე და კორონავირუსის უარყოფით გავლენაზე ტურიზმთან დაკავშირებით.
აჭარის მთავრობის თავმჯდომარემ იმედი გამოთქვა რომ 2021 წელი როგორც საზღვაო ბიზნესის, ისე საზღვაო ტურიზმის სფეროში იქნება გარდამტეხი და შავი ზღვის განვითარება დაუბრუნდება პოზიტიურ დინამიკას.
აჭარა საზღვაო რეგიონების ასოციაციაში 2020 წელს გაწევრიანდა და წელსვე აჭარის მთავრობის თავმჯდომარე, თორნიკე რიჟვაძე ასოციაციის ვიცე-პრეზიდენტად აირჩიეს.
საზღვაო რეგიონების ასოციაცია ევროკავშირის ინსტიტუტებსა და ეროვნულ მთავრობებში კონტაქტების ფართო ქსელის საშუალებით უზრუნველყოფს მისი წევრი რეგიონების საჭიროებების და ინტერესების იცავს.





