სოზარ სუბარი წინუბანში, ნასაგურსა და დიდ ლილოში მცხოვრებ მოსახლეობას შეხვდა
საზოგადოება

ფოტო: Facebook
სამგორის რაიონის მაჟორიტარი დეპუტატობის კანდიდატი სოზარ სუბარი მოსახელობასთან შეხვედრებს აქტიურ რეჟიმში აგრძელებს. სოზარ სუბარი სამგორის რაიონში შემავალ სოფლებში: წინუბანი, ნასაგური და დიდ ლილოში მცხოვრებ მოსახლეობას შეხვდა.
მათი ძირითადი პრობლემები შიდა გზების მოწყობას, არსებული ამორტიზებული სკოლის ახალი აშენებულით ჩანაცვლებასა და გარე განათებებს ეხებოდა.
მოსახელობის ძირითად პრობლემას კი სოფლების მიმდებარე ტერიტორიაზე არსებული ნაგავსაყრელი წარმოადგენს. თბილისის საყოფაცხოვრებო ნარჩენების პოლიგონი ექსპლუატაციაში 2010 წელს შევიდა. 2019 წლის ივნისის თვიდან კი ექსპლუატაციაში შევიდა პოლიგონის მე-3 უჯრედი, რომელზეც ხორციელდება ნარჩენის მიღება.
პოლიგონზე შემოსული ნარჩენის მიწით ყოველდღიურად გადაფარვის შედეგად, შემცირებულია უსიამოვნო სუნი, შექმნილია მწერებისა და მღრღნელების გავრცელებისათვის არახელსაყრელი გარემო, ასევე შემცირებულია პოლიგონზე ფრინველთ არაოდენობაც. ამ ეტაპზე კი მიმდინარეობს მუშაობა იმისათვის, რომ ახალი თანამედროვე სტანდარტების ნაგავსაყრელი აშენდეს, რათა საბოლოოდ გადაიჭრას ეს პრობლემა.





