ბორჯომის მცხოვრები კუსტარულად წარმოებული "ბორჯომისა" და "ლიკანის" გამო დააკავეს

საქართველოს ფინანსთა სამინისტროს საგამოძიებო სამსახურმა, "ბორჯომისა" და "ლიკანის" ფალსიფიკაციის ფაქტი გამოავლინა. 

გამოძიებამ დაადგინა, რომ ქალაქ ბორჯომში ერთ-ერთ მოქალაქეს, საკუთარი საცხოვრებელი სახლის სარდაფში კუსტარულად ჰქონდა მოწყობილი მინერალური წყლის ჩამოსასხმელი საამქრო, სადაც სისტემატურად ამზადებდა ფალსიფიცირებულ "ბორჯომსა" და "ლიკანს".

საგამოძიებო სამსახურის მიერ ამოღებულია მინერალური წყლების ფალსიფიცირებისთვის განკუთვნილი მანქანა-დანადგარები და კუსტარული წესით დამზადებული მინერალური წყლები.

ბრალის დამტკიცების შემთხვევაში, დაკავებულს 2 წლამდე ვადით პატიმრობა ემუქრება.