გურჯაანის მუნიციპალიტეტის მერიაში ხანძარი იყო

გავრცელებული ცნობით, გურჯაანის მუნიციპალიტეტის მერიაში ხანძარი იყო. ცეცხლი მესამე სართულზე, დილით გაჩნდა. დაიწვა მერის მოადგილის კაბინეტი და იქ არსებული ტექნიკა, მათ შორის ლეპტოპი და ტელევიზორი.

ხანძარი შემთხვევით გამვლელმა შეამჩნია და სახანძრო სამსახურს აცნობა. წინასწარი ინფორმაციით, ცეცხლი სავარაუდოდ, ელექტროკაბელებიდან გაჩნდა.

მომხდარზე დაწყებულია გამოძიება.