ზუგდიდის რაიონულმა სასამართლომ, ადმინისტრაციულ სამართალდამრღვევებად ცნო მოქალაქეები, რომლებმაც სოციალურ ქსელში სხვადასხვა პირს შეურაცხყოფა მიაყენა

ზუგდიდის რაიონულმა სასამართლომ, ადმინისტრაციული სამართალდამრღვევის ზაალ ცხადაიას საქმე განიხილა. ზაალ ცხადაიამ სოციალური ქსელით შეურაცხყოფა მიაყენა ფრიდონ ინჯიასა და ვალერი კვარაცხელიას. ფაქტი სიძულვილის ენის წინააღმდეგ ბრძოლის სააგენტომ გამოავლინა. ზაალ ცხადაია 500 ლარით დაჯარიმდა. სამართალდამრღვევი დანაშაულს აღიარებს, თუმცა სხდომას თავად არ დასწრებია. პოზიცია სასამართლო სხდომაზე მისმა უფლებადამცველმა გაახმიანა და განაცხადა, რომ ზაალ ცხადაიამ შეურაცხმყოფელი კომენტარი ემოციურ ფონზე დაწერა. ზაალ ცხადაიას წინააღმდეგ საქმის წარმოება ასკ 166 მუხლის საფუძველზე მიმდინარეობდა.

ზუგდიდის რაიონულმა სასამართლომ ასევე, საჯარო სივრცეში ლალი მოროშკინას წინააღმდეგ სიტყვიერი შეურაცხყოფის ფაქტზე ირაკლი ხაზალია სამართალდამრღვევად ცნო და დაუსწრებლად 1000 ლარით დააჯარიმა. თავად ბრალდებული სხდომას არ დასწრებია. ფაქტი სიძულვილის ენის წინააღმდეგ ბრძოლის სააგენტომ გამოავლინა. ირაკლი ხაზალიას საქმის წარმოება ასკ 166 მუხლის საფუძველზე მიმდინარეობდა.