რას ამბობს ქალი, რომლის ბინიდანაც გახრწნილი ხორცი ამოიღეს და როგორია ექსპერტიზის პირველადი შედეგები - „ქრონიკის“ ექსკლუზივი

ქალი, რომლის ბინიდანაც შინაგან საქმეთა სამინისტრომ, გახრწნილი ხორცი და სხვადასხვა მასა ამოიღო, „ქრონიკამ“ ექსკლუზიურად ჩაწერა. ქალი ამბობს, რომ მეზობლებს დეზინფორმაციისთვის, სასამართლოში უჩივლებს. ექიმ-თერაპევტი ამტკიცებს, რომ ხორცი 10 კილოს არ აღემატებოდა და გახრწნის მიზეზი, გაფუჭებული მაცივარი იყო.

„ქრონიკის“ ინფორმაციით, ექსპერტიზის პირველადი შედეგები უკვე ცნობილია და ხორცი პირუტყვისაა.

„ნამდვილად ვიცი, რა მქონდა მაცივარში და გამოძიება ყველაფერს იტყვის. ყველაფერი, რასაც აცხადებენ, ცილისწამებაა. როცა გამოძიება დამთავრდება, ყველაფერს პასუხს გავცემ. ალბათ, ადვოკატის მეშვეობით, ყველაფერს გავაკეთებ. ბინაში არ ვიმყოფებოდი. საუბარია ნარჩენების ამოღებაზე, [ხორცი] გაფუჭდა და, უბრალოდ, მისი გადაყრა ვერ მოვასწარი და მხოლოდ ამაზეა ლაპარაკი. რომ ამბობენ, დიდი რაოდენობაო, არ ვიცი, დიდ რაოდენობაში რა იგულისხმება. მაქსიმუმ, 5-დან 7 კილომდე იქნებოდა. ეს ნებისმიერ სახლში შეიძლება იყოს“, - ამბობს ქალი.

საქმეს შინაგან საქმეთა სამინისტრო სისხლით ან სისხლის კომპონენტებით უკანონო ვაჭრობის მუხლით იძიებს.

<iframe src="https://www.facebook.com/plugins/video.php?height=314&href=https%3A%2F%2Fwww.facebook.com%2Ftvimedi%2Fvideos%2F566429558431654%2F&show_text=false&width=560&t=0" width="560" height="314" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>