პოლიციამ დაკარგული ტყუპები იპოვა

პოლიციამ ავლაბრიდან დაკარგული 14 წლის ტყუპი ძმები - ლუკა და ნიკა ორდღიანი ძებნის შემდეგ აჭარაში იპოვა. ამის შესახებ შსს-ს საზოგადოებასთან ურთიერთობის დეპარტამენტის ხელმძღვანელი, თეა პერტაია Facebook-ზე წერს.

ოჯახმა ფაქტის შესახებ, პოლიციას გუშინ აცნობა. ფაქტზე გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონოდ აღკვეთას გულისხმობს.