კომენდანტის საათის დროს თელავის მუნიციპალიტეტში ავტოსაგზაო შემთხვევა მოხდა

კომენდანტის საათის ამოქმედებიდან დაახლოებით ერთ საათში თელავის მუნიციპალიტეტში ავტოსაგზაო შემთხვევა მოხდა.

ერთმანეთს opel-ისა და golf -ის მარკის ავტომობილი შეეჯახა. სახის არეში მრავლობითი დაზიანებები მიიღო ერთ-ერთი ავტომობილის მძღოლმა, რომელსაც სასწრაფო დახმარების ბრიგადამ პირველადი დახმარება ადგილზე აღმოუჩინა. დაშავებული გადაყვანილია საავადმყოფოში.

წინასწარი ინფორმაციით, ავტოავარიის მიზეზი გადაჭარბებული სიჩქარეა. შემთხვევის ადგილზე ამ დრომდე რჩებიან ექსპერტ-კრიმინალისტები. მომხდარზე დაწყებულია გამოძიება.