გერმანიის შსს: უცხოელების ჩადენილი დანაშაულიდან ქართველებზე 1.1% მოდის

გერმანიის შინაგან საქმეთა სამინისტრო 2016 წლის პერიოდში ჩადენილი დანაშაულის სტატისტიკას აქვეყნებს, რომელშიც უცხოელების მიერ გერმანიის ტერიტორიაზე ჩადენილი დანაშაულების შესახებ არის მონაცემები. ინფორმაციას სააგენტო ipn ავრცელებს.

გერმანიის შსს-ის სტატისტიკის მიხედვით, უცხოელების მიერ 616, 230 დანაშაულიდან, საქართველოს მოქალაქეებზე მხოლოდ 6,541 დანაშაული მოდის (1.1%).

ამ მაჩვენებლით, პირველ სამეულში შედიან თურქები, რუმინელები და პოლონელები. 

გერმანიის შინაგან საქმეთა სამინისტროს ანგარიშში ნათქვამია, რომ 2016 წელს გერმანიაში 6,372,526 დანაშაული დაფიქსირდა. წინა წელთან შედარებით ეს მაჩვენებელი 0,7%-ით გაიზარდა. დანაშაულის ჩადენის სიხშირე 100,000 მოსახლეზე 7,797-დან 7,755-მდე შემცირდა.