ლენტეხის სოფელ საყდართან, სარმის დროებით ხიდზე ტრანსპორტის გავლა დღის მეორე ნახევარში იქნება შესაძლებელი

ლენტეხის მუნიციპალიტეტის სოფელ საყდართან, სარმის დროებითი ხიდის მონტაჟი მიმდინარეობს. ტრანსპორტის გავლა დღის მეორე ნახევარში იქნება შესაძლებელი.

კონსტრუქცია უკვე დამონტაჟებულია და ამ ეტაპზე ხიდთან მისასვლელი გზები ეწყობა. დამონტაჟდება უსაფრთხოების მოაჯირები და შესრულდება ექსპლუატაციაში შეყვანისთვის საჭირო დამატებითი ტექნიკური სამუშაოები. ის ახალი ხიდის მშენებლობის დასრულებამდე ტრანსპორტის გადაადგილებას უზრუნველყოფს. მანამდე მაღალი გამავლობის ავტომობილებით გადაადგილება, შემოვლითი გზით არის შესაძლებელი.

„მიმდინარეობს ხიდის ბურჯების შევსება და მოაჯირების მოწყობა. კონტრაქტორის თქმით, დაახლოებით, 17:00 საათისთვის ხიდზე გავლა შესაძლებელი იქნება“, - განაცხადა ლენტეხის მუნიციპალიტეტის მერმა, გიორგი გაზდელიანმა.

მანამდე არსებული ხიდი უხვი ნალექის შედეგად ადიდებულმა მდინარემ წაიღო.