ბოლნისის მუნიციპალიტეტის მერმა, ზამურ ჭითანავამ საჯარო და კერძო სკოლების წარჩინებულ კურსდამთავრებულებს ოქროსა და ვერცხლის მედლები გადასცა

ბოლნისის მუნიციპალიტეტის მერიაში საჯარო და კერძო სკოლების 2023-2024 სასწავლო წლის კურსდამთავრებულებისათვის ოქროსა და ვერცხლის მედლების გადაცემის ცერემონია გაიმართა, - ინფორმაციას ბოლნისის მუნიციპალიტეტის მერია ავრცელებს.

უწყების ცნობით, ჯილდო 48 კურსდამთავრებულს ზამურ ჭითანავამ პირველ მოადგილესთან, ალექსანდრე ზაბახიძესთან და ბოლნისის მუნიციპალიტეტის საკრებულოს თავმჯდომარესთან, გიორგი სვანიძესთან, ერთად გადასცა.

„მედლების გადაცემის ცერემონია ბოლნისის საგანმანათლებლო რესურსცენტრის ხელმძღვანელის, იამზე სვანიძის ორგანიზებითა და ბოლნისის მუნიციპალიტეტის მერიის მხარდაჭერით მოეწყო“, - აღნიშნულია გავრცელებულ ინფორმაციაში.