ქობულეთში სპორტკომპლექსის ასაშენებლად საკრებულომ აჭარის მთავრობას 7 ათასამდე კვ.მ. მიწის ნაკვეთი გადასცა

ქობულეთში სპორტკომპლექსის ასაშენებლად საკრებულომ აჭარის მთავრობას 7 ათასამდე კვადრატული მეტრი მიწის ნაკვეთი გადასცა. საკითხის განხილვას ხმაური და კამათი მოყვა. ერთმანეთს „ქართული ოცნებისა“ და „ნაციონალური მოძრაობის“ დეპუტატები დაუპირისპირდნენ.

საკითხს მხარი „ნაციონალურმა მოძრაობამ“ არ დაუჭირა. როგორც „ქართული ოცნების“ წევრები ამბობენ, ოპოზიციას ქალაქის განვითარება არ სურს.

„ნაციონალურმა მოძრაობამ“ მხარი არ დაუჭირა გრანდიოზული ისტორიული სპორტული კომპლექსის პროექტს და მასთან მიმდებარედ სკვერის მოწყობას, რომელიც მნიშვნელოვანია ქობულეთისთვის. ბრალდება უსაფუძვლოა და ჩვენ ყველა საკითხი კომისიებში გავიარეთ. ამ პროექტზე მიმდინარეობს წინა მოსამზადებელი სამუშაოების შესრულება. „ნაციონალურ მოძრაობას“ არ უნდა სპორტული კომპლექსი აშენება, მათთვის ჯანსაღი ცხოვრება არ არის მნიშვნელოვანი და ისინი ქობულეთის განვითარებას ეწინააღმდეგებიან“, - განაცხადა საკრებულოს თავმჯდომარემ, დავით მჭედლიშვილმა.

„ნაციონალური მოძრაობის“ დეპუტატები აცხადებენ, რომ ხარჯთაღრიცხვა და პროექტი მათთვის უცნობია.

„ჩვენ კარგად გვახსოვს „ქართული ოცნების“ დაპირებული პროექტები როგორ შედგა. სპორტსკოლისთვის არ იყო გაწერილი პროექტი და ხარჯთაღრიცხვა, რომელიც 2022 წლის ბიუჯეტში არის გათვალისწინებული. ჩვენ ამ პროექტის შესახებ ინფორმაცია არ გვაქვს და, შესაბამისად, ამ პროექტს ჩვენ მხარი არ დავუჭირეთ“, - აცხადებს „ნაციონალური მოძრაობის“ წევრი ლაშა კომახიძე.