ქეთევან ციხელაშვილი: ცხინვალში 20 ათასი მოსახლე ფაქტობრივად სამხედრო გეტოს პირობებში ცხოვრობს
რეგიონი

ქეთევან ციხელაშვილი
ცხინვალში 20 ათასი მოსახლე ფაქტობრივად სამხედრო გეტოს პირობებში ცხოვრობს - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა იმედის გადაცემა „ღია ეთერში“ განაცხადა.
„ცხინვალიდან, ამ პერიოდშიც ჩვენ ვოღებთ პაციენტებს. ძალიან ხშირად წითელი ჯვარი შუამდგომლობს ხოლმე, ასევე ცხელი ხაზი ოპერირებს. რეგიონი არის 80%-ით დაცლილი, 20 ათას მოსახლეზე ვსაუბრობთ, რომელიც ფაქტობრივად სამხედრო გეტოს პირობებში ცხოვრობს. სხვადასხვა არხებით, ზოგჯერ არაფორმალური არხებით, ჟენევის საერთაშორისო დისკუსიების არხებით, რა თქმა უდნა ყველაფერი მიმართულია, რომ მათი მდგომარეობა გაუმჯობესდეს. ამ მოწყვლად მოსახლეობაში კიდევ მოწყვლადია ახალგორის და გალის ქართველი მოსახლეობა და რა თქმა უნდა ჩვენი პრიორიტეტი მათი დახმარებაა“- განაცხადა ქეთევან ციხელაშვილმა.





