ნარმანია მეორე ვადით მერობას არ გამორიცხავს

დავით ნარმანია არ გამორიცხავს, რომ თბილისის მერად მეორედ იყაროს კენჭი. ამის თაობაზე შეკითხვა დედაქალაქის მერს წლიური ანგარიშის წარდგენის შემდეგ ფრაქცია "ევროპული საქართველოს " წევრმა დავით ავალიანმა დაუსვა.

ნარმანია ამბობს, რომ გუნდური თამაშის პრინციპის მომხრეა, მისი თქმით, სწორედ გუნდმა უნდა იმსჯელოს ამასთან დაკავშირებით და საზოგადოებისთვის პასუხი ამის შემდეგ გახდება ცნობილი.