ნატო ცხინვალის არჩევნებს არ აღიარებს

ჩრდილოატლანტიკური ალიანსი არ აღიარებს ოკუპირებული სამხრეთ ოსეთის ტერიტორიაზე გამართულ  საპრეზიდენტო არჩევნებსა და რეფერენდუმს. აღნიშნულის შესახებ ნატო-ს მიერ გავრცელებულ განცხადებაშია ნათქვამი.

„ცალმხრივი ნაბიჯები რეგიონის სახელის ან სტატუსის შეცვლის თაობაზე ზიანს აყენებს საქართველოში სიტუაციის დარეგულირებას. ნატო  არ სცნობს აფხაზეთსა და სამხრეთ ოსეთს, როგორც დამოუკიდებელ სახელმწიფოებს“, - ნათქვამია განცხადებაში.

ალიანსის განცხადებით, „ნატო სრულად უჭერს მხარს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებული საზღვრების ფარგლებში“.