თელავში 9 აპრილს დაღუპულთა ხსნოვნას პატივი მიაგეს

9 აპრილს დაღუპულთა ხსნოვნას პატივი მიაგეს თელავშიც. ამავე სახელობის მემორიალი გვირგვინით შეამკეს ადგილობრივი ხელისუფლების წარმომადგენლებმა და რიგითმა მოქალაქეებმა.

ხელისუფლების წარმომადგენლების შემდეგ მემორიალთან მივიდნენ და 1989 წლის 9 აპრილს განვითარებული მოვლენები გაიხსენეს ოპოზიციური პარტიის წარმომადგენლებმაც.

1989 წლის 9 აპრილის ტრაგედიიდან 28 წელი შესრულდა. ამ დღეს, გამთენიისას, საბჭოთა კავშირის შეიარაღებული ძალების ნაწილებმა თბილისში, რუსთაველის გამზირზე, მშვიდობიანი საპროტესტო აქცია დაარბიეს, რასაც 21 ადამიანის სიცოცხლე შეეწირა.