გორში 9 აპრილის მემორიალი გვირგვინებით შეამკეს

9 აპრილის მემორიალი გვირგვინებით შეამკეს გორშიც. ამავე სახელობის სკვერში ადგილობრივი ხელისუფლების წარმომადგენლები და მოქალაქეები შეიკრიბნენ და 9 აპრილს განვითარებული მოვლენები გაიხსენეს.

მოსწავლე ახალგაზრდობის ცენტრის მოსწავლეებმა პატრიოტულ თემაზე შექმნილი წარმოდგენა დადგეს, ღონისძიების დასასრულს კი სიმბოლურად მტრედები გაუშვეს.

1989 წლის 9 აპრილის ტრაგედიიდან 28 წელი შესრულდა. ამ დღეს, გამთენიისას, საბჭოთა კავშირის შეიარაღებული ძალების ნაწილებმა თბილისში, რუსთაველის გამზირზე, მშვიდობიანი საპროტესტო აქცია დაარბიეს, რასაც 21 ადამიანის სიცოცხლე შეეწირა.