კობახიძე: პრეზიდენტის ადმინისტრაცია საკონსტიტუციო კომისიის წინააღმდეგ კამპანიას აწარმოებს

პარლამენტის თავმჯდომარის თქმით, პრეზიდენტის ადმინისტრაცია აწარმოებს საკონსტიტუციო კომისიის წინააღმდეგ კამპანიას. "მე მომაწოდეს სარწმუნო ინფორმაცია, რომ ადმინისტრაცია აწარმოებს მოლაპარაკებებს საზოგადოებრივ ორგანიზაციებთან, რომ მათ დატოვონ საკონსტიტუციო კომისია". - განაცხადა ირაკლი კობახიძემ. მან ასევე თქვა, რომ პრეზიდენტის ადმინისტრაცია ხელს უწყობს ქვეყანაში ორი ბანაკის ჩამოყალიბებას.

"პრეზიდენტმა ერთხელ თქვა, რომ მას სიტყვა არ გაურბის, მაგრამ მისი ადმინისტრაციის საჯარო მოხელეებს გაურბით სიტყვა და ეს იმას ნიშნავს, რომ სიტყვა პრეზიდენტს გაურბის", - თქვა პარლამენტის თავმჯდომარემ.