28 მარტს ვაკის რაიონის ნაწილს გაზმომარაგება შეუწყდება

"ყაზტრანსგაზ-თბილისის" ინფორმაციით, ტექნიკური სამუშაოების ჩატარების მიზნით,  სამშაბათს, 28 მარტს, 11:00 საათიდან გაზმომარაგება შეუწყდება ვაკის რაიონში, ილია ჭავჭავაძის გამზირი №83-ში მდებარე საცხოვრებელ კორპუსში მცხოვრები მოსახლეობის ნაწილს.

კომპანიის ინფორმაციით, აბონენტებს ბუნებრივი აირის მიწოდება 13:00 საათიდან ეტაპობრივად, სამუშაოების დასრულებისთანავე, აღუდგებათ. 

"ყაზტრანსგაზ-თბილისი" მოუწოდებს აბონენტებს, გაზის დანადგარები უყურადღებოდ არ დატოვონ.