პრეზიდენტი პრემიერის კანდიდატურას ვეტო-ს ვერ დაადებს

სტატისტიკის და ანტიმონოპოლიური სამსახურების ხელმძღვანელები შესაძლოა პრეზიდენტმა წარადგინოს - სახელმწიფო საკონსტიტუციო კომისიამ ამ სამსახურების კონსტიტუციონალიზაციაზე და ამ შემთხვევებში პრეზიდენტის უფლებამოსილებების გაზრდაზე იმსჯელა. საწინააღმდეგო მოსაზრებები არ დაფიქსირებულა.

"შეწყალებასთან და თანამდებობებზე გამწესებასთან დაკავშირებული უფლებამოსილებები შენარჩუნებულია. ზოგიერთ შემთხვევაში გაზრდაზეც ვმუშაობთ", - აღნიშნა საკონსტიტუციო კომისიის წევრმა, ვახუშტი მენაბდემ.

რაც შეეხება პრეზიდენტის უფლებამოსილებების შემცირებას, ვეტო-ს ვერ დაადებს პრემიერის კანდიდატურას და მონაწილეობას ვერ მიიღებს მთავრობის სხდომებში.

სახელმწიფო საკონსტიტუციო კომისიის სამუშაო ჯგუფი პრეზიდენტის ინსტიტუტზე - უფლებამოსილებებზე და არჩევის წესზე მსჯელობს.