განზრახ მკვლელობაში ბრალდებულს 9 წელი მიესაჯა

ახალციხის რაიონულმა სასამართლომ განზრახ მკვლელობის ჩადენაში ბრალდებული არმენ მარკარიანი დამნაშავედ ცნო.  მას 9 წლით თავისუფლების აღკვეთა მიესაჯა. განცადებას ამის შესახებ მთავარი პროკურატურა ავრცელებს.  

„სასამართლო პროცესზე გამოკვლეული მტკიცებულებებით დადგინდა, რომ 2016 წლის 6 ივლისს, ნინოწმინდაში არმენ მარკარიანს ურთიერთშელაპარაკება მოუვიდა არშალუის სანოსიანთან, რა დროსაც არმენ მარკარიანმა შურისძიების მოტივით, სანოსიანს გულმკერდის არეში დანით ჭრილობა მიაყენა. არშალუის სანოსიანი შემთხვევის ადგილზე გარდაიცვალა.“ - აცხადებენ პროკურატურაში.