გამოძიების დასრულებამდე ტყიბულში არსებული ყველა შახტი დაილუქება

ტყიბულში არსებული ყველა შახტი გამოძიების დასრულებამდე დაილუქება, – ამის შესახებ შსს-ს იმერეთის, რაჭა-ლეჩხუმისა და ქვემო სვანეთის სამხარეო მთავარი სამმართველოს უფროსმა განაცხადა.

ბესიკ ამირანაშვილის თქმით, საუბრია დაახლოებით 25 შახტზე.

ტყიბულის შახტში ტრაგედია დღეს დილით მოხდა. დაიღუპა 4 მუშა, 6 კი დაშავდა.

გამოძიების პირველადი ინფორმაციით, შახტის ერთ-ერთ გვირაბში, სავარაუდოდ, მეთანის აფეთქების შედეგად კედლების დეფორმაციას ჭერის ჩამოშლა მოჰყვა.

ამავე შახტში 5 აპრილს 6 მუშა დაიღუპა.