მტკვარში ჩავარდნილი ძაღლი მაშველებმა გადაარჩინეს

თბილისში, ვეფხის და მოყმის ძეგლის მიმდებარე ტერიტორიაზე, მტკვარში ძაღლი ჩავარდა. ადგილზე სამაშველო სამსახური მივიდა და სპეციალური ტექნიკის გამოყენებით, ცხოველი გადაარჩინეს. imedinews-ის ინფორმაციით, თბილისის ცხოველთა მონიტორინგის სამსახურში შეტყობინება შევიდა, რომ მტკვარში ძაღლი იხრჩობოდა.

მისი გადარჩენის სამაშველო ოპერაცია 1 საათს გაგრძელდა. ძაღლი რატი მამუკაშვილმა გადაარჩინა. გადარჩენილი ცხოველი თავშესაფარში გადაიყვანეს.