ვაკო ავალიანი: საქართველოს საგარეო საქმეთა მინისტრს დღესვე ექნება შეხვედრები კატარის ბიზნესის წარმომადგენლებთან და იმ პირებთან, რომლებიც დაინტერესებულები არიან ინვესტიციები განახორციელონ საქართველოში
პოლიტიკა

ვაკო ავალიანი
ფოტო: იმედი/კადრი
საქართველოს საგარეო საქმეთა მინისტრს დღესვე ექნება შეხვედრები კატარის ბიზნესის წარმომადგენლებთან და იმ პირებთან, რომლებიც დაინტერესებულები არიან ინვესტიციები განახორციელონ საქართველოში, - განუცხადა ჟურნალისტებს კატარში საქართველოს ელჩმა ვაკო ავალიანმა.
ელჩის თქმით, ხელისუფლებას იმედი აქვს, რომ კატარული ინვესტიციები ქვეყანაში შემოსვლას დაიწყებს უკვე მომდევნო წლიდან.
„მაკა ბოჭორიშვილი კატარის სახელმწიფოს პრემიერ-მინისტრის და საგარეო საქმეთა მინისტრის მოწვევით იმყოფება აქ. ეს არის ახალი ეტაპი ორმხრივ ურთიერთობებში. საქართველოს საგარეო საქმეთა მინისტრს დღესვე ექნება შეხვედრები კატარის ბიზნესის წარმომადგენლებთან და იმ პირებთან, რომლებიც დაინტერესებულები არიან ინვესტიციები განახორციელონ საქართველოში. ძალიან დიდი იმედი გვაქვს, რომ კატარული ინვესტიციები ქვეყანაში შემოსვლას დაიწყებს უკვე მომდევნო წლიდან“, - აღნიშნა ავალიანმა.
საქართველოს ვიცე-პრემიერი, საგარეო საქმეთა მინისტრი მაკა ბოჭორიშვილი ოფიციალური ვიზიტით კატარის სახელმწიფოს ეწვია.



