არჩილ გორდულაძე: როდესაც მხარე საგამოძიებო კომისიაზე ლაპარაკობდა, რომლის დასკვნაც ასობით გვერდისგან შედგება და რომელშიც განხილულია საკონსტიტუციო სასამართლოს მსჯელობები, საერთო სასამართლოების, ასევე სტრასბურგის სასამართლოს გადაწყვეტილებები, ამ ყველაფერს ანა წითლიძე 80 % ტყუილს უწოდებს

საკონსტიტუციო სასამართლოში მიმდინარე სხდომაზე პარლამენტის იურიდიულ საკითხთა კომიტეტის თავმჯდომარემ არჩილ გორდულაძემ ანა წითლიძის განცხადებები გააკრიტიკა.

მისი თქმით, წითლიძე საგამოძიებო დასკვნაში მითითებული ინფორმაციის 80%-ს სიცრუეს უწოდებს, მიუხედავად იმისა, რომ დოკუმენტი ასობით გვერდს მოიცავს და მასში საკონსტიტუციო სასამართლოს მსჯელობები, საერთო სასამართლოების გადაწყვეტილებები და სტრასბურგის სასამართლოს გადაწყვეტილებებია განხილული.

„საკითხი, რომელზეც პოზიციის გამოხატვა აუცილებელია, ანა წითლიძის განცხადებებს ეხება. ქალბატონი ანა თავისი გამოსვლის დროსაც ამბობდა, რომ საგამოძიებო დასკვნაში მითითებული ფაქტები „აბსოლუტური ტყუილია“. დღესაც გაიმეორა, რომ საგამოძიებო დასკვნაში მითითებული ინფორმაციის 80% სიცრუეა. რას უწოდებს ქალბატონი ანა ტყუილს? იმის გათვალისწინებით, რომ თქვენთვისაც უმნიშვნელოვანესია სასამართლომ ობიექტური გადაწყვეტილება მიიღოს, საჭიროა, რომ ამ საკითხზე პოზიცია გამოიხატოს.

როდესაც მხარე საგამოძიებო კომისიაზე ლაპარაკობდა, რომლის დასკვნაც ასობით გვერდისგან შედგება და რომელშიც განხილულია საკონსტიტუციო სასამართლოს მსჯელობები, საერთო სასამართლოების გადაწყვეტილებები - როგორც სამოქალაქო და ადმინისტრაციულ, ისე სისხლის სამართლის საქმეებზე - ასევე სტრასბურგის სასამართლოს გადაწყვეტილებები, ამ ყველაფერს ქალბატონი ანა წითლიძე 80% ტყუილს უწოდებს“, - განაცხადა გორდულაძემ.