ჩინეთის სახალხო რესპუბლიკის ვიცე-პრეზიდენტი ხან ჭენგი საქართველოს ეწვევა

ჩინეთის სახალხო რესპუბლიკის ვიცე-პრეზიდენტი ხან ჭენგი საქართველოს ეწვევა. ინფორმაციას ჩინეთის საგარეო საქმეთა სამინისტრო ავრცელებს.

სამინისტროს ცნობით, ჩინეთის ვიცე-პრეზიდენტი ჯერ თურქეთში ჩავა, სადაც გაეროს კლიმატის ცვლილების ჩარჩო კონვენციის მხარეთა კონფერენციის 31-ე შეხვედრაში მიიღებს მონაწილეობას და შემდეგ საქართველოში განახორციელებს ვიზიტს.

„ჩინეთის სახალხო რესპუბლიკის ვიცე-პრეზიდენტი ხან ჭენგი, მოწვევის საფუძველზე, 6-დან 12 ნოემბრამდე თურქეთს ეწვევა, სადაც გაეროს კლიმატის ცვლილების ჩარჩო კონვენციის მხარეთა კონფერენციის 31-ე შეხვედრის ფარგლებში ანტალიის ლიდერთა სამიტში მიიღებს მონაწილეობას ჩინეთის პრეზიდენტ სი ძინპინის სპეციალური წარმომადგენლის სტატუსით. ვიზიტის ფარგლებში ის ასევე ეწვევა საქართველოს“, - აღნიშნულია ჩინეთის საგარეო სამინისტროს მიერ გავრცელებულ ინფორმაციაში.