გიორგი სოსიაშვილი აზიის მეცნიერებათა აკადემიის სრულუფლებიანი წევრი, აკადემიკოსი გახდა

პარლამენტის წევრ, გიორგი სოსიაშვილის სამეცნიერო აღიარება - დეპუტატი აზიის მეცნიერებათა აკადემიის სრულუფლებიანი წევრი, აკადემიკოსი გახდა.

ჩინეთის ქალაქ სანიაში მას აკადემიკოსის დიპლომი და მედალი, ასევე მეცნიერების განვითარებაში შეტანილი განსაკუთრებული წვლილისთვის სპეციალური ჯილდო გადასცეს.

სოსიაშვილი აზიის მეცნიერებათა აკადემიის გენერალურ ასამბლეას საგანგებო მიწვევით ესწრებოდა.

აზიის მეცნიერებათა აკადემია, რომლის სათავო ოფისი ჰონგ-კონგში მდებარეობს, საერთაშორისო სამეცნიერო თანამშრომლობის მნიშვნელოვანი პლატფორმაა, რომელიც აერთიანებს მსოფლიოს სხვადასხვა ქვეყნის სამეცნიერო და საგანმანათლებლო დაწესებულებებს.