თორნიკე ფაღავა: სარჩელის განხილვის პირველ დღეს, საზოგადოებამ ნათლად იხილა რადიკალური ოპოზიციის ძალიან უსუსური გამოსვლები და პოლიტიკური ცირკის მოწყობის მცდელობა

საზოგადოებამ ძალიან ნათლად იხილა რადიკალური ოპოზიციის ძალიან უსუსური გამოსვლები და პოლიტიკური ცირკის მოწყობის მცდელობა, - განაცხადა ევროპასთან ინტეგრაციის საპარლამენტო კომიტეტის თავმჯდომარის მოადგილე თორნიკე ფაღავამ საკონსტიტუციო სასამართლოში მიმდინარე პროცესთან დაკავშირებით.

მისივე თქმით, ასეთი პოლიტიკური პარტიების ადგილი დემოკრატიულ პროცესებში არ არის.

„ჩვენ ვთქვით, რომ ეს პოლიტიკური პარტიები მთელი ამ დროის განმავლობაში სისტემურად ცდილობენ პოლიტიკური პროცესების კონსტიტუციის მიღმა გატანას და მათი ადგილი დემოკრატიულ პროცესში არ არის.

რაც შეეხება სარჩელის განხილვის პირველ დღეს, საზოგადოებამ ძალიან ნათლად იხილა რადიკალური ოპოზიციის ძალიან უსუსური გამოსვლები და პოლიტიკური ცირკის მოწყობის მცდელობა“, - აღნიშნა ფაღავამ.

ხუთი პოლიტიკური პარტიის არაკონსტიტუციურად ცნობასა და მათ აკრძალვაზე საკონსტიტუციო სასამართლოში პროცესი დღეს განახლდება.