თათია პაჭკორია: გაყინული კონფლიქტების, ფსევდო იდეალების ფონზე, როგორც საქართველოს რიგითი მოქალაქე, მოხარული ვარ, რომ გაჩნდა პოლიტიკური გუნდი, რომელმაც აქტიურ განხილვაში შემოიტანა ნეიტრალიტეტის იდეა და ის არ ეძებს ლეგიტიმაციას არც ვაშინგტონში, არც ბრიუსელში

გაყინული კონფლიქტების, ფსევდო იდეალების ფონზე, როგორც საქართველოს რიგითი მოქალაქე, მოხარული ვარ, რომ გაჩნდა პოლიტიკური გუნდი, რომელმაც აქტიურ განხილვაში შემოიტანა ნეიტრალიტეტის იდეა და ის არ ეძებს ლეგიტიმაციას არც ვაშინგტონში, არც ბრიუსელში, - განაცხადა გადაცემაში „დღის ქრონიკა“ „ნეიტრალიტეტის მხარდამჭერი საზოგადოებრივი დარბაზის“ წევრმა, ჟურნალისტმა თათია პაჭკორიამ.

წამყვანმა ჰკითხა, რა პერსპექტივა აქვს ნეიტრალიტეტს საქართველოს ტიპის ქვეყნისთვის.

„ნეიტრალიტეტის იდეაზე დასავლელი პოლიტოლოგები და სამეცნიერო ველის წარმომადგენლები ბევრს საუბრობდნენ. ისინი ამბობდნენ, რომ ნეიტრალიტეტი პატარა ქვეყნებისთვის გადარჩენის ერთ-ერთი სტრატეგიაა. თუ შვეიცარიული აკადემიური წრეების წარმომადგენლებს დავუჯერებთ, პატარა ქვეყნებისთვის ნეიტრალიტეტი სამხედრო გაერთიანებებში გაწევრიანების ალტერნატივაა.

ნეიტრალიტეტის იდეა მე-19 საუკუნის ბოლოს გაჩნდა და უკვე მე-20 საუკუნის მეორე ნახევარში, მეორე მსოფლიო ომის შემდეგ საკმაოდ აქტუალურია. არაერთი ქვეყანა ვიცით, რომელმაც ნეიტრალიტეტის იდეით აიცილა ომის ქარცეცხლი, ცივი ომის დაპირისპირება და ამ გაყინული კონფლიქტების, ფსევდო იდეალების ფონზე, როგორც საქართველოს რიგითი მოქალაქე, მოხარული ვარ, რომ გაჩნდა პოლიტიკური გუნდი, რომელმაც აქტიურ განხილვაში შემოიტანა ნეიტრალიტეტის იდეა, ის არ ეძებს ლეგიტიმაციას არც ვაშინგტონში, არც ბრიუსელში და საზოგადოებას შესთავაზა განსახილველად ეს იდეა“, - აღნიშნა პაჭკორიამ.